«Τον ήλιον κρύψαντα» – Βατοπαιδινός χορός

11:16 27/4/2019 - Πηγή: NewsNow
Τὸν ἥλιον κρύψαντα τὰς ἰδίας ἀκτίνας,καὶ τὸ καταπέτασμα τοῦ ναοῦ διαρραγέν, τῷ τοῦ Σωτῆρος θανάτῳ,ὁ Ἰωσὴφ θεασάμενος, προσῆλθε τῷ Πιλάτῳ καὶ καθικετεύει λέγων·δός μοι τοῦτον τὸν ξένον, τὸν ἐκ βρέφους ὡς ξένον ξενωθέντα ἐν κόσμῳ·δός μοι τοῦτον τὸν ξένον, ὃν ὁμόφυλοι μισοῦντες θανατοῦσιν ὡς ξένον·δός μοι τοῦτον τὸν ξένον, ὃν ξενίζομαι βλέπειν τοῦ θανάτου τὸ ξένον· δός μοι τοῦτον τὸν ξένον, ὅστις οἶδεν ξενίζειν τοὺς πτωχούς τε καὶ ξένους·δός μοι τοῦτον τὸν ξένον, ὃν Ἑβραῖοι τῷ φθόνῳ ἀπεξένωσαν κόσμῳ·δός μοι τοῦτον τὸν ξένον, ἵνα κρύψω ἐν τάφῳ, ὃς ὡς ξένος οὐκ ἔχει τὴν κεφαλὴν ποῦ κλῖναι·δός μοι τοῦτον τὸν ξένον, ὃν ἡ Μήτηρ καθορῶσα νεκρωθέντα ἐβόα·Ὦ Υἱὲ καὶ Θεέ μου, εἰ καὶ τὰ σπλάγχνα τιτρώσκομαι,καὶ καρδίαν σπαράττομαι, νεκρόν σε καθορῶσα,ἀλλὰ τῇ σῇ ἀναστάσει θαρροῦσα μεγαλύνω.
Διαβάστε ολόκληρο το άρθρο >>
Keywords
χορος, θεε μου, ξενος
Τυχαία Θέματα
λιστα γαμου, νοκια ν8, outlet σπατα
iNews > Ειδήσεις > NewsNow